[fol. 9v, « Louages »] De Jehan Dalanczon, esperonnier, pour le louaige de l’autre moictié de place estant oudit bellovart (1) que souloit tenir par cy devant ledit [Jehan] Texier (2), avecques une autre partie de place joignant aux fossez de ladite ville contenant de large par devant six piez et demy et joignant a ladite porcion dudit [Jehan] Chenu (3). Laquelle baille lui a esté faite pour en paier <a> a ladite ville par chacun an au jour et feste de Toussains (4) cinq solz tournoys. Pour ce           V s. t.

[fol. 12, « Louages »] De Jehan Mignot, esperonnier, pour le louaige d’une autre place estant oudit bellovart (1), ou est de present une petite maison joignant a la maison dudit [Jehan] Malerbe, a lui louee pour neuf ans, a XV s. t. par chacun an, payables comme dessus (2). Et est cy la seconde annee. Pour ce cy           XV s. t.

[fol. 109v, « Despence commune »] A Jehan Porchier, orfevre, et Nycolas Phelippes, brodeur, la somme de dix huit livres, sept solz, six deniers tournoys qui deue leur estoit pour les causes qui s’ensuyvent. C’est assavoir :

Audit Porchier la somme de unze livres, sept solz, six deniers tournois pour avoir baillé a la feste de Noel l’an de cedit compte six onces et demie d’argent en orfevrie, au pris de XXXV s. t. chacune once, tant blanche que doree, dont ont esté bordees quatre manches des robes des quatre clercs de ladite ville ainsi qu’il est de coustume (a) [fol. 110] faire par chacun an (1). Pour ce            XI l., VII s., VI d. t.

Item, audit Nycolas Phelippes, brodeur, la somme de sept livres tournois pour avoir mis et assis de sondit mestier de borderie lesdites VI onces et demie d’orfavrie esdites quatre manches desdits quatre clercs, et en chacune d’icelles avoir fait les armes de ladite ville, et fourny de fil d’or et de soye. Pour ce           VII l. t.

Lesquelles deux parties dessusdites font et montent ensemble ladite somme de XVIII l., VII s., VI d. t. que ledit receveur a payee audits Porchier et Phelippes par mandement desdits maire, esleuz et commis. Sur ce donné le IX^e jour de janvier l’an de cedit compte (2). Cy rendu avecques la quictance desdits Jehan Porchier et Nycolas Phelippes. Pour ce cy           XVIII l., VII s., VI d. t.

[fol. 128, « Despence commune »] A Michau Duthoreau, victrier demourant a Tours, la somme de cent cinq solz tournoys pour aucunes parties de sondit mestier faites es victres de l’ostel de ladite ville. Ainsi que s’ensuit :

C’est assavoir, pour avoir relevees troys croisees de victres hault et bas de la grant salle paincte (1), et icelles repparees et mises en plomb neuf qui contiennent sept piez, et en icelles mises XXXII lozenges neufves, et rassises et clouees esdites croisees ainsi qu’il appartient. Pour ce           LXV s. t.

Item, a luy pour avoir habillé et relevé deux autres victres de l’autre salle neufve, et a icelles mis douze lozenges et demye et plomb neuf, et rassises ainsi qu’il appartient. Pour ce          XX s. t.

Item, a luy pour avoir relevé deux autres croisees du portal de l’ostel de ladite ville, et icelles rabillees et mis XIII lozenges et demye en plomb neuf, et icelles rassises esdites croisees ainsi qu’il appartient. Avoir aussi vecty et habillé toutes les autres victres dudit hostel. Pour ce            XX s. t.

Lesquelles parties dessusdites font et montent ensemble (a) [fol. 128v] ladite somme de C V s. t. que ledit receveur a payee audit Duthoreau par mandement desdits maire, esleuz et commis. Sur ce donné le XVII^e jour d’aoust l’an de cedit compte (2). Cy rendu avecques la quictance dudit du Thoreau. Pour ce cy           CV s. t.

[fol. 132, « Despence commune »] A Clement Bayet, ymaginier, la somme de cent solz tournoys qui deue lui estoit d’appoinctement fait avecques lui pour avoir fait et taillé en pierre de Sainct Aignen (1) les armes du roy, deux angelotz, les armes de ladite ville et dudit maire (2). Lesquelles ont esté assises et mises ou portal de pierre qui a esté fait neuf en l’isle des ponts de Loire  l’année de cedit compte. Laquelle somme de C s. t. ledit receveur a payee audit Bayet par mandement desdits maire, esleuz et commis. Sur ce donné le XXVIII^e jour (a) [fol. 132v] de septembre l’an de cedit compte. Cy rendu avecques la quictance dudit Clement Bayet. Pour ce cy           C s. t.

[fol. 132v, « Despence commune »] A plusieurs personnes cy apres nommees la somme de vingt troys livres, quatre solz, unze deniers tournoys qui deue leur estoit pour les causes qui s’ensuit. C’est assavoir :

A Colin Regnart, painctre, pour la paincture des armes, tant du roy, de la ville que du maire de l’annee de cedit compte, estans sur le portal qui a esté fait neuf en l’isle des ponts de Loire, par appoinctement fait audit Regnart           C s. t. (a)

[fol. 145v, « Louaiges »] De Jehan Dalancon, esperonnier, pour le louaige de l’autre moictié de ladite place dessusdite estant audit bellovart (1) que souloit tenir ledit [Jehan] Texier (2), avecques une autre partie de place joignant aux fossez de ladite ville, a luy louee pour neuf ans, pour en payer par chacun an a ladite ville audit terme de Toussains (3) cinq solz tournoys, et est cy la derniere annee. Pour ce           V s. t. (a)

[fol. 148, « Louaiges »] De Jehan Mignot, esperonnier, pour le louaige d’une autre place estant oudit bellovart de la Riche (1) ou de present est une petite maison, joignant a la place et maison dessusdite que tient Jehan Malerbe, a luy louee pour neuf ans, pour en payer par chacun an a ladite ville audit terme de Toussaints (2) la somme de quinze solz tournoys. Et est cy la III^e annee. Pour ce           XV s. t. (a)