[fol. 6, « Louaiges »] De Pierre Phelippeaux, esperonnier, pour le louaige de la maison de la Truye qui Fille (1) appartenant a ladite ville, ainsi qu’elle se poursuit et se comporte et que souloit tenir feu Thevenin Cymier, a luy louee le VIIIe jour de mars l’an de cedit compte pour ung an commancant a la feste Nostre Dame de mars enssuivant (2), le pris de XVII l. t. Pour cecy audit pris            IX l., XVIII s., IIII d. t. (a)

[fol. 14, « Louaiges »] De Symon des Roches, armeurier, pour une toyse et demye de pavé fait en droit soy, vallent audit pris           XV s. t. (a)

[fol. 88, « Despense commune »] A Jehan Porchier, orfeuvre, la somme de sept livres, dix solz tournois qui deue lui estoit pour cinq onces d’argent en orfaverye, par lui baillee et delivree a ladite ville l’annee de cedit compte. Laquelle orfaverye a esté convertie et employee en cinq manches de robes pour les clercs de ladite ville ainsi qu’il est de coustume (1). Laquelle somme de VII l., X s. t. ledit receveur a payee audit Jehan Porchier par mandement desdits maire, esleuz et commis. Sur ce donné le XVI^e jour dudit moys de decembre ensuivant M CCCC LXXV. Cy rendu avecques la quictance dudit Porchier. Pour cecy          VII l., X s. t. (a)

[fol. 88, « Despense commune »] A Jehan Belin, brodeur, la somme de cent dix huit solz, neuf deniers tournois qui deue lui estoit pour ses paine et sallaire d’avoir brodé de brodeure cinq manches de robes des cinq clercs de ladite ville, au pris de chacune manche la somme de XXIII s., IX d. t., qui est ladite somme de CXVIII s., IX d. t (1). Laquelle ledit receveur a payee audit Jehan Belin par mandement desdits maire, esleuz et commis. Sur ce donné le XVII^e jour dudit moys de decembre ensuivant M CCCC LXXV. Cy rendu avecques la quictance dudit Belin. Pour cecy           CXVIII s., IX d. t. (a)

[fol. 89v, « Despense commune »]  A Jehan Jourdain, brigandinier du roy nostre sire, la somme de quatre livres tournois qui deue lui estoit pour un travercier de vin blanc achapté de lui l’annee de cedit compte pour donner aux seigneurs et officiers du roy nostredit sire a ce qu’ilz aient tousiours ladite ville et le pays pour recommandé envers ledit sire. Laquelle somme de IIII l. t. ledit receveur a payee audit Jehan Jourdain par mandement desdits maire, esleuz et commis. Sur ce donné le IIII^e jour de fevrier M CCCC LXXV (1). Cy rendu avecques la quictance dudit Jehan Jourdain. Pour cecy           IIII l. t. (a)

[fol. 91, « Despense commune »] A Tassin Vinet, victrier, la somme de soixante douze solz, neuf deniers tournois qui deue lui estoit pour XVII piez et demy de verre, comprins les escussons aux armes de ladite ville, par lui baillez et assis en quatre feunestres de l’une des croizees de l’ostel de ladite ville et davant le parcquet ou de present l’on expedie les causes de ladite ville, a IIII s., II d. t. le pyé, par marché fait avecques luy, qui est la somme de LXXII s., IX d. t. Laquelle somme de LXXII s., IX d. t. ledit receveur a payee audit Tassin par mandement desdits maire, esleuz et commis. Sur ce donné le III^e jour d’avril M CCCC LXXV (1). Cy rendu avecques la quictance dudit Tassin. Pour cecy            LXXII s., IX d. t. (a)

[fol. 100v, « Despense commune »] Audit receveur la somme de soixante quatre livres, quatorze solz, deux deniers tournois pour semblable somme que ledit receveur par l’ordonnance desdits maire et esleuz il a payee et baillee aux personnes et pour les causes cy apres declairees. (a)

[fol. 101v, l. 18] Item, a Jehan Foucquet, paintre, pour avoir paint le dedens du poille (1) que ladite ville a fait faire pour porter sur ledit roy de Portuigal (2)           XII l. t. (b)

[fol. 105, « Despense commune »] Audit receveur la somme de quatre vingts cinq livres, [fol. 105v] huit solz, six deniers maille tournois pour semblable somme qu’il a baillee du sien par le commandement desdits maire, esleuz et commis aux personnes et pour les causes cy apres declairees. C’est assavoir.

[fol. 106, l. 24] Item, a Allart Fullatin, paintre, pour avoir paint et fait deux patrons de la croissance de la ville, l’un en pappier et l’autre en parchemin, pour monstrer au roy nostre seigneur           VI l. t. (a)

[fol. 123v, « Louages »] De Jehan Texier, esperonnier, pour le louaige d’une autre place estant oudit boulevart (1) en laquelle il a fait ung petit cabaret, a lui loué pour troys ans dont cy est la deuxiesme annee, a X s. t. par an payables audit jour (2). Pour cecy           X s. t. (a)

[fol. 125v, « Louages »] De Pierre Phelippeaux, esperonnier, pour le louage de la maison de la Truye qui Fille (1), a luy louee de la feste Nostre Dame de mars l’an M CCCC LXXV (2) jusques a ung an la somme de XVII l. t. qui sont (b) cinq (c) moys jusques a ladite feste et pour l’annee de cedit compte, vallent VII l., I s., VIII d. Et depuis ladite feste ledit receveur n’en fait aucune recepte parce qu’on a deslogé les louagers pour y faire besongner. Pour cecy           VII l., I s., VIII d. t. (a)

[fol. 195v, « Despence commune »] A Jehan Belin, brodeur, la somme de cent dixhuit solz, neuf deniers tournois qui deue lui estoit pour avoir brodé cinq des manches des robes des cinq clercs de ladite ville, en icelle assis cinq onces d’argent, fourny de fil de soye et d’argent a faire et enlever en broderye les armes de ladite ville, lesdites robes a eulx donnees l’annee de ce present compte ainsi qu’il est de coustume (1). Laquelle somme de C XVIII s., IX d. t. ledit receveur a payee audit Jehan Belin par mandement desdits maire, esleuz et commis. Sur ce donné le VIII^e jour de janvier M CCCC LXXVI (2). Cy rendu avecques la quictance dudit Belin. Pour cecy           C XVIII s., IX d. t. (a)

[fol. 195v, « Despence commune »] A Jehan Pohier, orfeuvre, la somme de sept livres, dix solz tournois qui deue lui estoit pour cinq onces d’argent en orfaverie qu’il a baillee pour la livree des cinq manches des robes aux cinq clercs de ladite ville (1). Lesquelles ont esté employees par Jehan Belin, brodeur, esdites cinq manches ceste presente annee. Laquelle somme de VII l., X s. t. ledit receveur a payee audit Jehan Pohier par mandement desdits maire, esleuz et commis. (a) [fol. 196] Sur ce donné le VIII^e jour de janvier M CCCC LXXVI (2). Cy rendu avecques la quictance dudit Pohier. Pour cecy           VII l., X s. t. (b)