[fol. 8v, « rentes non muables »] De Goffroy Gaucheron, ouvrier de soyes, pour la IIII^e et derniere porcion de ladite maison de Maufumier (1), contenant de longueur et largeur de la porcion cy dessus declairee joignant a icelle d’un long, d’autre long a la maison Pierre Clerin, a luy baillee par ladite ville a la somme de XIIII l. t. de rente payables aux termes de Saint Jehan et Noel par moictié (2), et autres charges contenues ou contract de ladite baille dabté du XI^e jour de novembre l’an M IIII^c IIII^xx XVII (3) es presences de Jehan Cosse, Laurens Mondenis, Estienne Charles, ouvriers de soyes, Colin Molineau et Jehan Viau, lesquelz et (a) [fol. 9] chacun d’eulx sont pleiges ***** (b) dessusdit. Pour ce cy (c)

[fol. 9v, « Louaiges »] De Jehan Dalencon, esperonnier, pour le louaige de l’autre moictié de place estant oudit boullovart (1), que souloit tenir par cy devant ledit [Jehan] Texier (2), avecques une autre partie de place joignant aux foussez de ladite (a) [fol. 10] ville, contenant de large par devers ***** (b) et joignant a ladite porcion dudit [Jehan] Chenu (3) laquelle ***** (c) a esté faite pour en payer a ladite ville par chacun an [au] jour et feste de Toussains (4) la somme de XXV s. t. Pour cestedite annee, cy           XXV s. t.

[fol. 16, « Louaiges »] De Robert Gaultier, tapissier, pour le louaige de la tour de Ruchievre (a), derriere la maison de Jehan Gallant l’esné (1), l’allee de ladite ville entre deux, a aluy louee pour IX ans pour la somme de XX s. t. par an audit terme de Toussains (2). Pour cecy           XX s. t.

[fol. 90, « Despence commune »] A Nicolas Phelippes, brodeur, et Jehan Gallant, orfevre, la somme de dix sept livres, dix solz tournoys qui deue leur estoit. C’est assavoir, audit brodeur la somme de quatre escuz d’or pour avoir fait la broderie es quatre manches des robes des quatre clercs de ladite ville. Et sur icelles mis et assis six onces d’orfavrie baillee par ledit Gallant, tant blanche que doree, et fait les armes de ladite ville ainsi qu’il est de coustume pour servir a la feste de Noel l’an de cedit compte (1). A quoy faire il a fourny de fil d’or et de soye et d’autres matieres de sondit mestier de brodeur. Pour ce           VII l.

Item, audit Gallant pour avoir fourny et baillé lesdites six onces d’orfavrie dessusdites, tant blanche que doree, mises et assises par ledit brodeur sur lesdites quatre manches dessusdites, qui, a XXXV s. t. l’once, l’une portant l’autre, vallent           X l., X s. t.

Lesquelles deux parties dessus declairees et pour les causes que dessus font et montent ensemble ladite somme de XVII l., X s. t. que ledit receveur a payee ausdits Phelippes et Gallant par mandement (a) [fol. 90v] desdits maire, esleuz et commis sur ce donné le II^e jour de janvier l’an de cedit compte (2). Cy rendu avecques la quictance desdits Jehan Gallant et Phelippes. Pour ce cy           XVII l., X s. t. (b)

[fol. 90v, « Despence commune »] A maistre Jehan Caloet, receveur dessusdit, la somme de huit vings treize livres, deux solz, troys deniers tournoys pour le rembourser de semblable somme par luy baillee et payee par commandement desdits maire et esleuz es moys de novembre, decembre, janvier, fevrier, mars, avril et may aux personnes et pour les causes qui s’ensuivent. (a)

[fol. 92, l. 23] Item, ou moys de fevrier ensuivant (1), a Nycolas Phelippes, [fol. 92v] brodeur, la somme de cent cinq solz tournoys a luy ordonnez en l’assemblee des gens de ladite ville le VII^e jour dudit moys de fevrier, oultre et par dessus la somme de quatre escuz d’or par luy receuz par cy devant pour avoir par luy fait a ses despens la broderie des manches des robes des quatre clercs de ladite ville, a la feste de Noel l’an de cedit compte, pour certaines fleurs de liz par luy faites de sondit mestier, d’avantaiges et plus riches qu’elles n’avoient acoustume d’estre par devant. En ce comprins la broderie par luy semblablement faite a la manche de la robe de la trompete de ladite ville (2). Pour ce           C V s. t. (b)

[fol. 97v, l. 5] Item, le XXV^e jour dudit moys (3) a *****, paintre, pour avoir fait quarante huit armoisies des armes de ladite ville pour mectre aux XXIIII torches de cire ordonnees estre faites de par ladite ville en l’assemblee des gens d’icelle ledit jour. Lesquelles furent portees pour faire honneur a l’enterrement et obseque de feu reverend père en Dieu monseigneur Guyon, abbé de Marremoustier (4), en la compaignie de plusieurs des gens de bien de ladite ville pour consideracion des plaisirs et services que ledit deffunct avoit faiz en son vivant a ladite ville. Qui, au pris de X d. t. chacune armoisie, vallent XL s. t. Et la somme de XX s. t. payez a XXIIII peuvres pour avoir porté et tenu durant le service lesdites XXIIII troches, qui est X d. pour chacun. Ensemble la somme de III s., IIII d. t. payez a Martin Ribarou (5) pour sa peine d’avoir esté audit lieu de Marremoustier, et avoir la charge de mectre par ordre ledit luminaire, et avoir (c) [fol. 98] fourny d’esplingues pour atacher lesdites armoisies ausdites torches. Pour ce           LXIII s., IIII d. t.

[fol. 101v, « Despence commune »] Audit receveur la somme de quatre vingts treize livres, douze solz, cinq deniers tournoys pour soy rembourser de semblable somme par luy payee et baillee pour ladite ville depuis le XVIII^e jour de juing l’an de ce compte jucques au derrenier jour d’octobre ensuivant aux personnes et pour les causes qui s’ensuyvent. (a)

[fol. 103v, l. 4] Item, oudit moys (1) a Henry Lalement, paintre, la somme de XXXV l. t. a luy baillez a deux foiz pour faire les preparatifz d’un elephant qui a esté ordonné estre fait et mis a la venue du roy nostredit sire (2) selon le devis de receveur [Jehan] Perrigault, lequel en a la charge. Aussi a faire l’abillement de Turnus (3) qui doit estre joué a la tour Feu Hugon (4) par deliberacion de ladite ville faite en l’ostel d’icelle le XII^e jour dudit moys de septembre. Pour ce           XXXV l.