[fol. 12v, « Louaiges »] De la veufve feu Jehan Mignot, esperonnier, pour louaige d’une autre place estant ou bellovart (1), ou est de present une petite maison, joignant a la maison dudit [Jehan] Malerbe, a lui louee pour neuf ans pour en payer par chacun an XV s. t. Et est cy la cinquiesme (a) annee. Pour ce                   XV s. t.

[fol. 17, « Louaiges »] De Augustin Valentin, fourbisseur, pour la garde porte de la tour Feu Hugon (1), a luy baillee a la charge d’entretenir les portiers de ladite ville, de nectoyer ladite porte et de faire gecter les immondicitez comme dessus, et d’en payer par an XV s. t. Pour ce           XV s. t.

[fol. 19v, « Nouvelles baillees a louaiges »] De Robert Gaultier, tapissier, pour le louaige de la tour de la rue Chievre (1) seant derriere la maison de Jehan Gallant l’esné (2), l’allee de ladite ville entre deux, a luy louee pour neuf ans pour en payer par chacun an a ladite ville audit terme de Toussaints (3) vingt solz tournoys. Et est cy la IIII^e (a) annee. Pour ce           XX s. t.

[fol. 89v, « Despence commune »] A Robin Porchier, orfevre, et a Nycolas Phelippes, brodeur, demourans a Tours, la somme de dix sept livres, dix solz tournoys qui deue leur estoit pour les causes qui s’ensuivent.

C’est assavoir, audit Porchier la somme de dix livres, dix solz tournoys pour avoir fourny et ouvré six onces d’orfevrie, tant blanche que doree, pour mectre et asseoir aux manches des robes des quatre clercs de ladite ville, ainsi qu’ilz ont accoustume d’avoir par chacun an a la feste de Noel (1), qui vallent au pris de XXXV s. t. chacune once, l’une portant l’autre, la somme de X l., X s. t. Pour ce           X l., X s. t.

Item, audit Nycolas Phelippes, brodeur, la somme de sept livres tournoys pour ses peines et salaires d’avoir fait la borderie ausdites quatre manches, et en icelles avoir mis et assis lesdites six onces d’orfavrie dessusdites, et y avoir fait les armes de ladite ville en chacune d’icelles quatre manches, ainsi qu’ilz ont accoustume. A quoy faire ledit Phelippes a fourny de fil d’or et de soye a XXXV s. t. chacune manche. Pour ce            VII l. t.

Lesquelles deux parties dessus declairees (a) [fol. 90] et pour les causes dessusdites font et montent ensemble ladite somme de XVII l., X s. t. que ledit receveur a payee ausdits Robin Porchier, orfevre, et Nycolas Phelippes, brodeur, par mandement desdits maire, esleuz et commis. Sur ce donné le IIIIe jour de janvier l’an de cedit compte (2). Cy rendu avecques la quictance desdits Robin Porchier et Nycolas Phelippes. Pour ce cy            XVII l., X s. t.

[fol. 112v, « Rentes non muables »] De Colin Hay, painctre, pour ung petit corps de maison ensuivant contre lesdits murs (1), joignant audit [Morice] Fiot (2), dont il doit payer par chacun an a ladite ville au terme de Toussaints (3) V s. t. Pour ce           V s. t.

[fol. 114v, « Louaiges »] De Jehan Dalencon, esperonnier, pour le louaige de l’autre moictié de la place estant oudit boulevart (1), que souloit tenir par cy devant ledit [Jehan] Texier (2), avecques une autre partie de place, joignant aux foussez de ladite ville, contenant de large par devant six piez et demy, et joignant a ladite porcion dudit [Jehan] Chenu<n> (3). Laquelle baille luy a esté faite pour en payer a ladite ville par chacun an au jour et feste de Toussains (4) XXV s. t. Pour ce cy           XXV s. t.

[fol. 117v, "Louaiges"] De la veusve feu Jehan Mignot, esperonnier, pour le louaige d’une autre place estant ou boulevart (1) ou est de present une petite maison, joignant a la maison dudit [Jehan] Malerbe (2), a elle louee pour neuf ans pour en payer par chacun an a ladite ville audit terme (3) XV s. t. Et est cy la IIIIe (a) annee. Pour ce cy           XV s. t.

[fol. 121, « Louaiges »] De Augustin Vallentin, fourbisseur, pour la garde porte de la tour Feu Hugon (1), a luy louee a la charge de tenir les portiers de ladite ville, de nectoyer environ ladite porte, de faire gecter les immondicitez comme dessus et d’en payer par an a ladite ville XV s. t. Pour ce           XV s. t.

[fol. 123, « Louaiges »] De Robert Gaultier, tapissier, pour le louaige de la tour de la rue Chievre (1), seant derriere la maison de Jehan Gallant l’esné (2), l’allee de ladite ville entre deux, a luy louee pour neuf annees pour en payer a ladite ville par an audit terme de Toussaints (3) XX s. t. Et est cy la ***** annee. Pour ce           XX s. t.

[fol. 252, « Despence commune »] A Robin Porchier, orfevre, et a Nycolas Phelippes, brodeur, demourans audit Tours, la somme de dix huit livres tournoys qui deue leur estoit pour les causes qui s’ensuyvent.

C’est assavoir, audit Porchier la somme de dix livres, dix solz tournoys pour six onces d’orfevrie, tant blanche que doree, pour mectre et asseoir aux manches des robes des quatre clercs de ladite ville ainsi qu’ilz ont accoustume d’avoir par chacun an a la feste de Noel (1), qui vallent de XXXV s. t. l’once, l’une portant l’autre (a), la somme de X l., X s. t. Pour ce           X l., X s. t.

Item, audit Nycolas Phelippes, brodeur, la somme de VII l., X s. t. pour ses peines et salaires d’avoir fait la borderie ausdites quatre manches desdites robes, et sur icelles avoir mis et assis lesdites six onces d’orfevrie, et en chacune d’icelles avoir fait les armes de ladite ville ainsi qu’ilz ont accoustume. Et ladite somme de X s. t. pour avoir bordé la manche de la robe de Jehan de la Grange, trompete de ladite ville, que ladite (b) [fol. 252v] ville luy a donnee, et en icelle avoir fait les armes de ladite ville. Pour ce           VII l., X s. t.

Lesquelles deux parties cy dessus declairees font et montent ensemble ladite somme de XVIII l. t. que ledit receveur a payee ausdits Robin Porchier, orfevre, et Nycolas Phelippes. Pour ce cy mandement desdits maire, esleuz et commis. Sur ce donné le XVIII^e jour de janvier l’an de cedit compte (2). Cy rendu avecques la quictance desdits Robin Porchier et Nycolas Phelippes. Pour ce cy            XVIII l. t.