[fol. 6v, « Rentes non muables »] De Colin Hay, paintre, pour ung petit corps de maison ensuyvant contre lesdits murs (1), joignant audit [Morice] Fiot (2), dont il doit payer par chacun an a ladite ville audit terme de Toussaints (3) V s. t. Pour ce           V s. t.

[fol. 11v, « Louaiges »] De la veusve feu Jehan Mignot, esperonnier, pour le louaige d’une autre place estant oudit boulevart (1) ou est de present une petite maison joignant a la maison dudit [Jehan] Malerbe. A elle louee pour neuf ans pour en payer par chacun an audit terme (2) XV s. t. Et est cy la ***** annee. Pour ce           XV s. t.

[fol. 15, « Louaiges »] De Augustin Valentin, fourbisseur, pour la garde porte de la tour Feu Hugon (1) a luy baillee a la charge de tenir les portiers de ladite ville, de tenir net ladite porte et de faire gecter les immondicitez comme dessus, et d’en payer a ladite ville audit terme que dessus (2) XV s. t. Pour ce cy           XV s. t.

[fol. 17, « Louaiges »] De Robert Gaultier, tappissier, pour le louaige de la tour de la rue Chievre (1), derriere la maison Jehan Gallant l’aisné (2), l’allee de ladite ville entre deux, a luy louee pour IX ans pour en payer par chacun an a ladite ville audit terme de Toussaints (3) XX s. t. Et est cy la ***** annee. Pour ce           XX s. t.

[fol. 98, « Despence commune »] A Jehan Porchier, orfevre, et a Nycolas Phelippes, brodeur, demourans audit Tours, la somme de dix huit livres tournoys qui deue leur estoit. C’est assavoir, audit Porchier la somme de dix livres, dix solz tournoys pour avoir fait, fourny et mis en euvre six onces d’orfevrie, tant blanche que doree, pour icelle mectre et asseoir aux manches des quatre clercs de ladite ville ainsi qu’ilz ont accoustume d’avoir par chacun an en leurs robes du jour et feste de Noel (1), qui au pris de XXXV s. t. l’once, tant blanche que doree, vallent           X l., X s. t.

Item, audit Nycolas Phelippes, brodeur, la somme de sept livres, dix solz tournoys. C’est assavoir, la somme de VII l. pour avoir fait la bordeure es manches des robes desdits IIII clercs de ladite ville, et en chacune d’icelles avoir fait les armes de ladite ville, et y avoir mis et assis lesdites VIo d’orfevrie dessusdites ainsi qu’ilz ont de coustume. A quoy faire ledit brodeur a fourny de fil d’or et de soye au pris de XXXV s. t. chacune manche, vallent lesdites VII l. t. Et la somme de dix solz pour avoir fait semblablement la bordeure en la manche de la robe de la trompete de ladite ville (a) [fol. 98v] et y avoir fait et brodé les armes d’icelle ville. Pour ce           VII l., X s. t.

Lesquelles deux parties cy dessus declairees et pour les causes que dessus font et montent ensemble ladite somme de XVIII l. t. que ledit receveur a payee ausdits Robin Porchier et Nycolas Phelippes par mandement desdits maires, esleuz et commis. Sur ce donné le VIIe jour de decembre l’an de cedit compte (2), cy rendu avecques la quictance desdits Porchier et Phelippes. Pour ce cy           XVIII l. t.

[fol. 102v, « Despence commune »] A Pierre Penigault, receveur dessusdit, la somme de neuf vings six livres, seize solz, dix deniers ob. t. pour le rembourser de semblable somme par luy baillee et payee aux personnes et pour les causes cy apres declairees.

[fol. 108, l. 22] Item, a Jehan Ryveron, escripvain, pour avoir fait et escript par deux foiz en deux grans peaulx [fol. 108v] de parchemin les noms et seurnoms des eschevins, pers et conseillers de ladite ville, et iceulx mis en deulx tableaux de menuiserie penduz en l’ostel de ladite ville (1). Pour ce           XXVII s., VI d. t.

[fol. 109v, l. 9] Item, au moys de septembre ensuivant, a Jehan Selavron (ou Selauron), filleur de soyes, gendre de feu Macé Chemin et executeur de son testament, la somme de XLIII s., IX d. t. pour plusieurs journees que ledit deffunct et Guillaume Chemin son filz avoient fait ou moys de juillet l’an de cedit compte de leurdit mestier de maconnerie a repparer plusieurs des pilliers de pierre du pont de Pontchier, dont ladite ville et officiers ont esté deuement certiffiez. Pour ce           XLIII s., IX d. t. (a)

[fol. 126v, « Rentes non muables »] De Colin Hey, paintre, pour ung autre petit corps de maison ensuivant contre lesdits murs (1), et joignant audit Fiot (2) et a la veusve dudit [Estienne] Petit (3), dont il doit payer par chacun an a ladite ville audit terme de Toussaincts (4) la somme de cinq solz tournoys. Pour ce cy           V s. t.

[fol. 129, « Louaiges »] De Jehan Dalencon, esperonnier, pour le louaige de l’autre moictié de place estant oudit boullevart (1) que souloit tenir par cy devant ledit [Jehan] Texier (2) avec une autre petite place joignant aux foussez de ladite ville, contenant de large par devant six piez et demy, joignant a la porcion dudit [Jehan] Chenu (3). Laquelle baille luy a esté faicte pour en payer a ladite ville par chacun an au jour et feste de Toussains (4) vingt cinq solz tournoys. Pour ce cy            XXV s. t.

[fol. 136, « Louaiges »] De Robert Gaultier, tapissier, pour le louaige de la tour de rue Chievre (1), derriere la maison Jehan Gallant l’esné (2), l’allee de ladite ville entre deux, a luy louee pour neuf ans pour en payer a ladite ville par chacun an audit terme de Toussaincts (3) vingt solz tournoys. Pour ce cy           XX s. t.

[fol. 204v, « deniers payez pour cause de l’entree du roy venant de Napples »] A Michellet Pelle et Michel Poisson, marchans demourans audit Tours, la somme de quatre vingts quatre livres, sept solz, six deniers tournoys qui deue leur estoit pour les parties de taffetaz cy apres declairez qu’ilz ont baillez et delivrez pour ladite ville par deliberacion faicte en l’ostel d’icelle le ***** jour du moys de fevrier l’an precedent cedit compte, que l’on disoit IIII^xx XVI, pour servir a faire les habillemens aux vertuz et autres misteres qui ont esté jouez en cestedite ville en la nouvelle entree et venue du roy nostredit sire en icelle de son retour de son royaume de Napples (1). Et iceulx taffetaz baillez et delivrez a maistre Macé Papillon et Jehan Perrigault, receveur du domaine dudit seigneur, commis de par ladite ville a faire et ordonner lesdits misteres, ainsi que s’ensuit.

C’est assavoir, audit Papillon pour quatre aulnes et demye taffetas jaulne, blanc et rouge a faire ung (a) [fol. 205] estandart et ung guidon au mistere qui a esté joué au grant marché de cestedite ville (2) qui, au pris de XXXVII s., VI d. t. l’aulne, vallent la somme de           VIII l., VIII s., IX d. t.

Item, a luy pour deux aulnes de taffetaz bleu pour servir a faire une cocte d’armes a ***** qui a joué ou grant marché de ceste dite ville, qui audit pris vallent           LXXV s. t.

Item, a luy pour quatre aulnes et demye taffetas blanc pour faire la robbe a la royne qui semblablement joue audit mistere qui vallent audit pris           VIII l., VIII s. IX d. t.

Item, pour une aulne taffetas rouge pour servir a faire les manches de ladite royne, et pour doubler les poignetz de ladite robbe taffetas bleu baillé audit Papillon, qui audit pris vallent           XXXVII s., VI d. t.

Item, pour quatre aulnes taffetas noir baillé audit Papillon pour faire une faille a une Nonnam (3) dudit mistere, qui audit pris vallent           VII l., X s. t.

Item, pour XXIX aulnes taffetas en pieces de plusieurs couleurs. C’est assavoir blanc, vert, rouge, [fol. 205v] gris, violet et de pourpre dont furent faiz les habillemens des sept vertuz et a ung ange au mistere qui a esté joué a la venue dudit sire en la Grant Rue devant la maison Jehan Aubert. En ce non comprins certains autres vieilz habillemens de taffetaz appartenans a ladite ville qui estoient es mains de maistre Nycole Chartier (4), vallent lesdites XXIX aulnes taffetas audit pris de XXXVII s., VI d. t. l’aulne, la somme de LIIII l., VII s., VI d. t. Pour ce           LIIII l., VII s. VI d. t.

Lesquelles parties de taffetas cy dessus declairez et pour les causes dessusdites font et montent ensemble le nombre et quantité de XLV aulnes, qui audit pris de XXXVII s., VI d. t. l’aulne, vallent ladite somme de IIII^xx IIII l., VII s., VI d. t. que ledit receveur a payee ausdits Michellet Pelle et Michel Poisson par mandement des maire, esleuz et commis de ladite ville en l’annee precedente, et aussi en ensuivant la deliberacion des gens de ladite ville faicte en l’ostel d’icelle le IX^me jour de novembre l’an de cedit compte (5). Ledit mandement sur ce donné le XVIII^me jour d’aoust l’an precedent cedit compte et que l’on disoit IIII^xx XVI (6). Cy renduz avecques la quictance desdits Poisson et Pelle, marchans dessusdits. Pour ce cy           IIII^xx IIII l., VII s., VI d. t.

[fol. 214, « Despence commune »] A maistre Jehan Caloet, receveur dessus nommé, la somme de vingt sept livres, quatorze solz, deux deniers tournoys pour le rembourser de semblable somme que payee et baillee avoit par commandement desdits maire et esleuz pour ladite ville depuis le jour de Toussains l’an de cedit compte jusques au XVIII^e jour de mars ensuivant, aux personnes et pour les causes qui s’ensuivent. (a)

[fol. 215v, l. 19] Item, a Jehan Riveron, escripvain, la somme de trente solz tournoys pour avoir fait et escript par deux foiz en deux grans peaulx de parchemin en grosse lectre les noms et seurnoms des habitans de ladite ville qui ont esté maires d’icelle depuis la [fol. 216] creacion de ladite mairie (1) jusque a present. Ensemble les noms de ceulx qui ont esté creez eschevins de ladite ville pour les mectre en deux tableaux en l’ostel de ladite ville. En ce comprins les deux lectres d’or molu faictes au commancement desdits deux tableaux. Pour ce            XXX s. t.

[fol. 217, « Despence commue »] A Guillaume Mesnaigier, Jehan Gallant le Jeune, orfevre, Nycolas Phelipes, brodeur, et a Martin Jouye, cousturier, [fol. 217v] la somme de quatre vingts dix neuf livres, quatorze solz, neuf deniers tournoys qui deue leur estoit pour les parties cy apres declairees. C’est assavoir, audit Mesnaigier pour unze aulnes, troys quars fine migraine par lui baillee et delivree au commancement de ceste presente annee pour faire les quatre robes des quatre clercs de ladite ville a la feste de Noel ainsi qu’ilz ont de coustume (1), qui, au pris de deux escuz et demy l’aulne, vallent la somme de LI l., VIII s., I d. t. Pour ce           LI l., VIII s., I d. t.

Item, a luy pour douze aulnes drap jaulne pour employer a doubler lesdites quatre robbes qui, a XXIII s., IIII d. l’aulne, vallent           XIIII l. t. ob. t. d. (a)

Item, a luy pour deux aulnes et demye rouge par luy baillées pour faire la robe a Jehan Delagrange, trompete, qui, au pris de XXXII s., VI d. t. l’aulne, vallent           IIII l. t., I s., III d. (b)

Item, audit Mesnaigier pour troys aulnes, deux tiers frizé jaulne pour doubler la robe de ladite trompete qui, a X s. l’aulne, vallent           XXXVI s., VIII d. t.

Item, audit Martin Jouye, cousturier, pour la facon des robbes desdits quatre clercs de ladite ville, a VII s., VI d. la piece, vallent XXX s. t., et pour celle de la trompete V s. t. Pour ce           XXXV s. t.

[fol. 218] Item, audit Jehan Gallant le Jeune pour avoir fourny a ses despens et mis en euvre d’orfavrie quatre onces, troys quars d’argent doré pour convertir et employer es quatre manches desdites robbes desdits quatre clercs qui, au pris de XL s. t. chescune once, vallent           VIII l., XV s. t.

Item, audit Nycoles Phelipes, brodeur, pour avoir brodé bien et honnestement lesdites quatre manches desdites robes aux armes du roy, la couronne d’or, tiré les quatre angelotz, les armes de ladite ville, et avoir fourny d’or, tiré de soye, fil d’argent et autres choses a ce neccessaires a ses despens. Et aussi pour avoir brodé la manche de la robe de ladite trompete aux armes de ladite ville. Pour ce           XVIII l. t.

Lesquelles parties cy dessus declairees et pour les causes dessusdites font et montent ensemble ladite somme de IIII^xx XIX l., XIIII s., IX d. t. que ledit receveur a payee aux dessusdits Mesnaigier, Gallant, Phelipes et Jouye par mandement desdits maire, esleuz et commis [et deliberacion de ladite ville faite en l’assemblee le IX^e jour de novembre IIII^xx VI] (c). Sur ce donné le XVIII^me jour d’aoust l’an de cedit compte. Cy rendu avecques la quictance des dessus nommez. Pour ce cy           IIII^xx XIX l., X<IIII>VII s., <IX d. t.> ob. t. (d)

[fol. 218v, « Despence commune »] A maistre Jehan Caloet, receveur dessusdit, la somme de cinquante quatre livres, neuf solz, dix deniers tournoys pour soy rembourser de semblable somme qui deue luy estoit et par luy baillee pour ladite ville aux personnes et pour les causes qui s’ensuivent.

(l. 11) Item, ou moys de juing ensuivant, a ung nommé Le Diot, masson, pour avoir fait et taillé les armoisyes du maire de cestedite annee (1), mises et apposees ou pain de mur (2) qui a esté fait neuf pres la porte de l’Escoherie (3). Pour ce           LXX s. t. (a)

[fol. 222, l. 10] Item, [a Estienne Barrabon, menuisier] pour avoir fait deux grans tableaux garniz de tingles en ouvraiges ou sont contenuz, nommez et escriptz les noms des eschevins et ceulx qui ont esté maires de ladite ville depuis la creacion de ladite mairerie (4), qui vallent au pris de VII s., VI d. t. chacune piece. Pour ce           XV s. t.