[fol. 26v, « Despence commune »] A Jehan Porchier, orfeuvre, et Nycolas Phelipes, brodeur, (a) [fol. 27] la somme de quinze livres, seize solz, troys deniers tournoys qui deue leur estoit. C’est assavoir.

Audit Porchier pour une once et demye d’argent en orfaverie doree, a XXXVII s., VI d. t. l’once, vallent           LVI s., III d. t.

Item, a luy pour quatre onces et demye orfaverie blanche a XXX s. t. l’once qui ont esté assises par ledit Phelipes cestedite annee sur les cinq manches des robes des cinq clercs de ladite ville (1), vallent           IX l., XI s., III d. t. (b) (c)

Et audit Nycolas pour avoir mis et assis ladite orfaverie sur lesdites cinq manches des robes desdits cinq clercs de ladite ville, pour sa paine et fourny de fil de soye que d’argent a faire et enlever en broderie sur lesdites cinq manches les armes de ladite ville ainsi que a esté fait et qu’on a de coustume faire le temps passé           VI l., V s. t.

Lesquelles troys parties font et montent ensemble ladite somme de XV l., XVI s., III d. t. que ledit receveur a paiee ausdits Jehan Porchier et Nycolas Phelipes par mandement desdits maire, esleuz et commis sur ce donné le XX^e jour de decembre l’an de cedit compte (2). Cy rendu avecques la quictance desdits Porchier et Phelipes. Pour cecy           XV l., XVI s., III d. t.

[fol. 50v, « Despence commune »] Audit receveur la somme de cinquante quatre livres, dix huit solz, six deniers tournoys pour semblable somme que par le commandement et ordonnance desdits maires, esleuz et commis il a payee et baillee pour les affaires de ladite ville es moys d’aoust, septembre et d’octobre, pour les causes et par les parties cy apres declairees.

[fol. 51, l. 21] Item, audit moys (1) fut fait un espy de plomb sur la garde porte des ponts de Loire pour mectre les armes du roy, en quoy est entre C X livres de plomb (2). Pour cecy           LXV s., VI d. t.

[l. 25] Item, pour quatre livres d’estain pour soulder ledit espy           VIII s., IIII d. t.

[l. 27] Item, pour la faccon, paine et painture de celui qui a fait lesdits (b) espy           XXX s. t.

[l. 29] Item, pour une baniere de laton mise sur ledit espy [fol. 51v] a esté payé la somme de           VII s., VI d. t.

Item, a ung paintre pour avoir paint les armes du roy en ladite baniere d’or et d’asur           X s. t.

[fol. 53v, l. 6] Item, oudit moys fut achapté de ung ymagier qui a fait le ***** des Carmes une ymaige de Notre Dame faicte en pierre. Laquelle ymaige a esté mise contre le front du davant du portal qui lors se faisoit et saillant de ladite ville sur les ponts de la riviere de Loire (3). Et est pour la reverance de la Bonne Dame, pour ce et anciennement, il y en avoit une en painture qui fut abatue en rompant le vieil portal et cousta           LX s. t. (c)

[l. 16] Item, a Pierre Regnart, paintre, pour avoir paint ledit (d) ymage de coulleurs riches, que pour avoir paint en darriere dudit ymage une manière de temps fait d’asur a fleurs de lys d’or, que pour avoir paint ung angelot et les armes du roy qui portent ledit ymage, que pour estoffes duilles et autres matieres les armes du roy et de la ville qui sont ou dehors dudit portal affin que la pierre en quoy ilz sont taillees ne se gastast. Pour lesquelles choses faire il a eu           IIII l. t.

[fol. 61, « Louaiges »] De Jehan Texier et Jehan Dalencon, esperonniers, pour le louage d’une autre place estant oudit boulevart (1), de devers Saint Clemens (2), joignant au foussé dudit boulevart, ou de present est une petite maison, a eulx baillee jusques a neuf ans, chacun an X s. t. payables audit terme de Toussains (3), et est cy la premiere annee. Pour cecy           X s. t. (a)

[fol. 116, « Despense commune »] A Gillet Jourdain, victrier, la somme de quinze livres, seize solz, six deniers tournoys qui deue lui estoit pour avoir victré depuis le premier jour de novembre l’an de cedit compte deux grans croisees de pierre en la grant chambre nagueres faicte en l’ostel de ladite ville joignant a la grant salle, l’une desdites croysees regardant sur la Monnoye (1) de ladite ville, l’autre sur une petite court et gallerie allant en la chambre de conseil. Et vitré une grant feunestre pour esclairer et donner lumiere en ladite grant chambre, assise de devers la grant court et eschelle de pierre de l’ostel de ladite ville. En quoy a LXII piez de vitre, a III s., IX d. le pyé, vallent la somme de           XI l., XII s., VI d. t. (2)

Item, ausdites croysees sont assis neuf escussons aux armes du roy, de la royne, de ladite ville et en deux escussons, sont les dix de moyse, au pris de VII s., VI d. t. chacun escusson, renduz assis esdites vitres, vallent la somme de           LXVII s., VI d. t.

Item, pour avoir mis aux croysees de la grant salle dudit hostel XVIII lozanges de victre, icelles redresses et reparees, a XI d. t. chacune lozange, vallent           XVI s., VI d. t.

Lesquelles troys parties dessus declairees montent ensemble ladite somme de XV l., XVI s., VI d. t. que ledit receveur a paiee audit Gilles Jourdain par mandement [fol. 116v] desdits maire, esleuz et commis sur ce donné le XXVIII^e jour de novembre l’an de cedit compte (3). Cy rendu avecques la quictance dudit Jourdain. Pour cecy           XV l., XVI s., VI d. t. (a)

[fol. 118, « Despence commune »] A Jehan Porchier, orfeuvre, et Nycolas Phelippes, brodeur, la somme de dix sept livres tournoys qui deue leur estoit. C’est assavoir.

Audit Jehan Porchier pour avoir fait et baillé a ladite feste de Nouel (ou Novel) une once, cinq groux en orfaverye <blanche> (a), a XXXI s., VIII d. t. l’once, dont ont esté brodees les cinq manches des robes desdits cinq clercs de ladite ville ainsi qu’il est de coustume de ce faire par chacun an a ladite feste (1)           X l. t.

Et audit Nicolas Phelipes pour avoir assis de son mestier ladite orfaverye en broderye sur lesdites cinq manches. Et fourny de sa peine, faccon, soye et fil a faire les thorelles aux armes de ladite ville assises sur lesdites cinq manches, que avoir brodé [fol. 118v] une manche de la robe de Jehan Savyn, trompete de ladite ville, ausdites armes a ce qu’il apparoisse mieux estre officier de ladite ville           VII l. t.

Lesquelles deux parties font et montent ensemble ladite somme de XVII l. t. que ledit receveur a paiee audit Jehan Porchier par mandement desdits maire, esleuz et commis sur ce donné le deuxiesme jour de janvier l’an de cedit compte (2). Cy rendu avecques la quictance dudit Porchier seullement. Pour cecy           XVII l. t. (b)